Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
<<Joseph. BJ 5.488 | Joseph. BJ 5.494 (English) | >>Joseph. BJ 5.502 |
5.492μέχρι μὲν γὰρ νῦν κατὰ σπάσμα Ἰουδαίοις
-- -- καταχωσθήσεσθαι γὰρ ὑπὸ τῶν βελῶν . τῶν δʼ ἀσφαλεστέρων οἱ μὲν καὶ τὰ χώματα ποιεῖν πάλιν , οἱ δὲ καὶ δίχα τούτων προσκαθέζεσθαι μόνον παραφυλάττοντας τάς τε ἐξόδους αὐτῶν καὶ τὰς εἰσκομιδὰς τῶν ἐπιτηδείων παρῄνουν καὶ τῷ λιμῷ καταλείπειν τὴν πόλιν , μηδὲ συμπλέκεσθαι κατὰ χεῖρα τοῖς πολεμίοις ·
5.494ἄμαχον γὰρ εἶναι τὴν ἀπόγνωσιν οἷς εὐχὴ μὲν τὸ σιδήρῳ πεσεῖν , ἀπόκειται δὲ καὶ δίχα τούτου πάθος χαλεπώτερον .
5.495αὐτῷ δὲ τὸ μὲν ἀργεῖν καθόλου μετὰ τοσαύτης δυνάμεως οὐκ ἐδόκει πρέπειν καὶ τὸ μάχεσθαι περιττὸν πρὸς ἀλλήλων φθαρησομένοις ,
5.496βάλλεσθαι δὲ χώματα δύσεργον ἀπέφαινεν ὕλης ἀπορίᾳ καὶ τὸ παραφυλάττειν τὰς ἐξόδους δυσεργότερον · κυκλώσασθαί τε γὰρ τῇ στρατιᾷ τὴν πόλιν διὰ μέγεθος καὶ δυσχωρίαν οὐκ εὐμαρὲς εἶναι καὶ σφαλερὸν ἄλλως πρὸς τὰς ἐπιθέσεις .
5.497τῶν δὲ φανερῶν φυλαττομένων ἀφανεῖς ἐπινοεῖσθαι Ἰουδαίοις ὁδοὺς κατά τε ἀνάγκην καὶ διʼ ἐμπειρίαν · εἰ δέ τι λάθρα παρεισκομισθήσοιτο , τριβὴν ἔσεσθαι πλείονα τῇ πολιορκίᾳ .
5.498δεδιέναι τε μὴ τὴν δόξαν τοῦ κατορθώματος αὐτῷ τὸ μῆκος ἐλαττώσῃ τοῦ χρόνου · τούτῳ μὲν γὰρ εἶναι πᾶν ἀνύσιμον , πρὸς δὲ τῆς εὐκλείας τὸ τάχος .
Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
<<Joseph. BJ 5.488 | Joseph. BJ 5.494 (English) | >>Joseph. BJ 5.502 |